Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
A Comisión de Asistencia ao Subdelegado fai balance da xestión dos organismos do Goberno de España na provincia de Ourense
30/06/2021
Emilio González destaca o traballo do persoal da Administración Xeral do Estado durante a pandemia para garantir a prestación dos servizos públicos
O subdelegado do Goberno en Ourense, Emilio González, presidiu esta mañá a reunión da Comisión de Asistencia ao Subdelegado do Goberno na que se fixo balance da xestión dos organismos da Administración Xeral do Estado (AXE) na provincia de Ourense durante o primeiro semestre de 2021.
Na xuntanza, reflectiuse o esforzo que se está realizando dende as distintas unidades da AXE para facer fronte á xestión da pandemia a través da Administración, adaptándoa ás necesidades que emerxeron nunha situación excepcional provocada pola crise sanitaria.
O subdelegado do Goberno destacou que “durante todos estes meses o persoal das distintas áreas traballou intensamente para conseguir minimizar a obstrución dos asuntos ordinarios e, ao mesmo tempo, sacar adiante aqueles relacionados con axudas, trámites ou xestións derivadas da pandemia, demostrando unha excepcional profesionalidade”.
Durante a Comisión de Asistencia, os diferentes responsables deron a coñecer ao subdelegado un minucioso informe do acontecido nos primeiros seis meses do ano nos seus respectivos organismos.
Os responsables das distintas unidades sinalaron que a actividade presencial de prestación de servizos mantén o sistema de cita previa, o que permite xestionar adecuadamente a presenza de público nas distintas dependencias, sen prescindir das opcións de atención por correo electrónico ou por vía telefónica.
Ademais, púxose de manifesto o esforzo constante no proceso de innovación e de perfeccionamento dos canais dixitais para facilitar o acceso da cidadanía aos distintos servizos públicos.
Na reunión, participaron os responsables provinciais de Tráfico, da Demarcación de Estradas do Estado, do Servizo Público de Emprego Estatal, do Instituto Nacional e Tesourería da Seguridade Social, de Economía e Facenda, da Inspección de Telecomunicacións, do Instituto Nacional de Estatística, do Centro Penitenciario de Pereiro de Aguiar, da Confederación Hidrográfica Miño-Sil, da Avogacía do Estado e responsables das Forzas e Corpos de Seguridade do Estado.