Inicio > Delegacións > Delegacións do Goberno > Delegación do Goberno na Comunidade Autónoma de Galicia > Actualidade > Notas de Prensa > Notas > 2021 > Junio > Isabel Rodríguez anuncia que a ministra de Industria reunirase o martes co comité de Alcoa e destaca a absoluta implicación do Goberno na procura dunha solución
Delegacións
- Delegacións
- Que é a Administración Xeral do Estado no Territorio?
- Normativa
- Delegacións do Goberno
- Delegación do Goberno na Comunidade Autónoma de Andalucía
- Delegado do Goberno
- Actualidade
- Proyectos, Campañas e Información
- Servicios y Directorio
- Subdelegación do Goberno en Sevilla
- Subdelegación do Goberno en Almería
- Subdelegación do Goberno en Cádiz
- Subdelegación do Goberno en Córdoba
- Subdelegación do Goberno en Huelva
- Subdelegación do Goberno en Xaén
- Subdelegación do Goberno en Málaga
- Subdelegación do Goberno en Granada
Isabel Rodríguez anuncia que a ministra de Industria reunirase o martes co comité de Alcoa e destaca a absoluta implicación do Goberno na procura dunha solución
26/06/2021
Como xa avanzara o delegado do Goberno, a reunión inscríbese no compromiso do Executivo cos traballadores de Alcoa aos que sempre respaldou para garantir o emprego e a actividade industrial na Mariña
Rodríguez comprende a preocupación dos traballadores, insta a Alcoa a actuar con seriedade e lembra que o Goberno está cos traballadores e cos veciños da Mariña, non cos intereses da multinacional
A subdelegada do Goberno, Isabel Rodríguez, anunciou hoxe que a ministra de Industria, Reyes Maroto, reunirase o martes, día 29, co comité de empresa de Alcoa dentro do compromiso do Executivo na procura dunha solución que garanta o emprego e a actividade industrial na factoría da Mariña.
Isabel Rodríguez informou que, tal como xa avanzara días atrás o delegado do Goberno en Galicia, José Miñones, a ministra atende a solicitude dunha reunión que lle fixo o comité de empresa, que xa foi convocado ao encontro onte pola tarde, porque a vontade do Goberno é asegurar o futuro do emprego na comarca da Mariña.
A subdelegada destacou a absoluta implicación do Ministerio de Industria na busca dunha solución que permita garantir a continuidade da actividade industrial na fábrica de aluminio de San Cibrao e o mantemento dos postos de traballo que a multinacional Alcoa pretende sacrificar.
Isabel Rodríguez explicou que o Goberno comprende a inquietude dos traballadores de Alcoa que levan máis de un ano loitando contra a vontade da multinacional de pechar a factoría e a súa desconfianza respecto da vontade real de Alcoa de que frutifique o proceso de venda.
Rodríguez remarca que os feitos demostran, unha vez máis, que o Ministerio defende os intereses dos traballadores e dos veciños da Mariña, non os da multinacional. Así, indicou que cómpre lembrar que foi o Ministerio quen reuniu os seis posibles compradores para a fábrica da Mariña e agora é preciso que a multinacional se decida, dunha vez por todas, a negociar en serio a venda.
A subdelegada insta a Alcoa a actuar con seriedade e a avanzar nas negociacións e lembra que o Goberno apostou sempre pola continuidade do emprego e a actividade industrial, proceso no que sempre acompañou e defendeu os intereses dos traballadores.