Inicio > Delegaciones > Delegaciones del Gobierno > Delegación del Gobierno en la Comunidad Autónoma de Galicia > Actualidad > Notas de Prensa > Notas > 2018 > Octubre > A subdelegada do Goberno recibe ao novo xefe de Tráfico na provincia de Lugo

A subdelegada do Goberno recibe ao novo xefe de Tráfico na provincia de Lugo

16/10/2018

Isabel Rodríguez mantivo a primeira reunión de traballo con Ángel Álvarez, novo responsable provincial da Dirección Xeral de Tráfico

A subdelegada do Goberno en Lugo, Isabel Rodríguez, recibiu hoxe ao novo xefe provincial de Tráfico, Ángel Álvarez Martínez.

Isabel Rodríguez mantivo esta mañá o seu primeiro encontro de traballo con Álvarez Martínez, que foi nomeado responsable da Dirección Xeral de Tráfico na provincia de Lugo o pasado día 9. A subdelegada do Goberno aproveitou a xuntanza para pedirlle que lle dea a máxima prioridade á seguridade vial nas estradas da provincia.

Ángel Álvarez naceu en León en 1982. É Licenciado en Dereito pola Universidade de León, funcionario da escala superior de Técnicos de Tráfico da DXT e sustitúe no cargo a Paula Yubero Plaza, que pasou a desempeñar o posto de xefa provincial de Tráfico en Pontevedra.

Con anterioridade, Álvarez ocupou o posto de subxefe na Xefatura de Tráfico da provincia da Coruña e ata o seu nomeamento desempeñaba transitoriamente o cargo de xefe provincial de Lugo en atribución temporal de funcións.