Maica Larriba recibe en Pontevedra el peregrinaje de Special Olympics Galicia
29/06/2022
A subdelegada desexoulles “bo camiño” á vez que subliñou que a iniciativa “serve para achegar as rutas *xacobeas ás persoas con discapacidade e contribúe a avanzar cara unha sociedade máis xusta, inclusiva e accesible”.
Pontevedra, 29 de xuño de 2022.- A subdelegada do Goberno, *Maica *Larriba, recibiu hoxe en Pontevedra, xunto ao comisario xefe en funcións da Policía Nacional de Pontevedra, Juan José Díaz, aos peregrinos e peregrinas de *Special *Olympics Galicia que se dirixen a Santiago de Compostela polo Camiño Portugués. A subdelegada reiteroulles aos organizadores o respaldo do Goberno e das Forzas e Corpos de Seguridade do Estado, que colaboran no operativo de seguridade, e cualificou a iniciativa como “un exemplo único de inclusión que normaliza e dá visibilidade ás persoas con discapacidade”.
As 54 persoas con discapacidade intelectual e os seus acompañantes –monitores, adestradores e voluntarios- *sairon esta mañá de Pontevedra para completar a terceira etapa do camiño que finalizará en Puertas tras un percorrido de 19,5 quilómetros. *Maica *Larriba aproveitou para desexarlles “bo camiño” á vez que subliñou que a iniciativa “serve para achegar as rutas *xacobeas ás persoas con discapacidade e contribúe a avanzar cara unha sociedade máis xusta, inclusiva e accesible”. As peregrinacións de *Special *Olympics Galicia *reunen durante esta semana e en todos os camiños a Santiago a medio milleiro de persoas con discapacidade intelectual procedentes de diferentes entidades, autonómicas e nacionais.
O obxectivo do proxecto é facilitar a inclusión de todas as persoas con discapacidade intelectual que desexen participar de maneira organizada nas actividades do programa do Ano Santo compostelán. O domingo 3 de xullo celebrarase en Santiago de Compostela un acto central ao que acudirán todos os peregrinos/*as participantes, familias, profesionais e voluntarios/*as.