A subdelegada do Goberno entrega a Medalla ao Mérito da Seguridade Viaria ao subtenente da Garda Civil de Tráfico de Pontevedra, José Luis Crespo Crespo

A subdelegada do Goberno entrega a Medalla ao Mérito da Seguridade Viaria ao subtenente da Garda Civil de Tráfico de Pontevedra, José Luis Crespo Crespo

09/11/2020

Maica Larriba lembrou que o próximo domingo conmemorase o día internacional en recordo das vítimas de accidentes de tráfico, “unha lacra na nosa sociedade que eleva os falecidos e feridos graves a cifras que non podemos soportar”.

A subdelegada do Goberno en Pontevedra, Maica Larriba, presidiu hoxe o acto de entrega da Medalla ao Mérito da Seguridade Viaria ao subtenente do Subsector de Tráfico de Pontevedra, José Luis Crespo Crespo. Asistiron ao acto, o coronel xefe da Comandancia de Pontevedra, Simón Venzal; o coronel Xefe do Sector de Galicia, Francisco Javier Molano; o comandante inspector de Servizos do Sector de Galicia, Leovigildo Villares; o capitán xefe do Subsector de Tráfico da Garda Civil, Antonio Pérez; o xefe provincial de Tráfico accidental de Pontevedra, Miguel Rogel; e o propio condecorado, o subtenente do Subsector de Tráfico de Pontevedra, José Luis Crespo Crespo.

A subdelegada do Goberno quixo, en primeiro lugar, amosar o seu recoñecemento ao galardoado, poñendo en valor “a súa traxectoria, de máis de trinta anos servindo na agrupación de Tráfico, e na que concorren unha serie de valores e méritos máis que salientables”. Maica Larriba quixo, así mesmo, estender o seu agradecemento “a todos e todas as axentes do Subsector de Tráfico de Pontevedra, que día a día vixían as nosas estradas para garantir a seguridade viaria”.

A subdelegada do goberno destacou que “as nosas mulleres e homes do Subsector de Tráfico da Garda Civil están nas nosas estradas para auxiliarnos, axudarnos e para disuadir a aqueles que non son capaces de cumprir as normas, pero ademais, nos últimos meses veñen desenvolvendo un traballo con motivo das restricións de mobilidade impostas pola pandemia que quero agradecer especialmente”.

Un día para lembrar as vítimas dos accidentes de tráfico

A subdelegada do Goberno tamén lembrou que o próximo domingo conmemorase o día internacional en recordo das vítimas de accidentes de tráfico, “unha lacra na nosa sociedade que eleva os falecidos e feridos graves a cifras que non podemos soportar”.

Na nosa provincia a tipoloxía do accidente segue tendo dos factores comúns, os despistes e a velocidade inadecuada. Respectar as indicacións de velocidade e a sinalización son condutas esenciais para garantir a seguridade na estrada, así como evitar as distraccións e o uso do móbil durante a condución, tal e como lembrou Larriba.

Un recoñecemento á contribución á seguridade viaria

A concesión das Medallas ao Mérito á Seguridade Viaria prodúcese de acordo ao fixado no Decreto 2464/74, de 9 de agosto, que establece  a necesidade de honrar ou premiar aquelas condutas que “entrañan unha importante achega á seguridade viaria, teñan un notorio relevo na salvagarda de esta ou constitúan un exemplo encomiable para os demais”.